బాటిల్స్‌లో మూత్రం నింపి.. తబ్లిగి జమాత్‌ సభ్యుల వికృత చర్య

ఢిల్లీలోని నిజాముద్దీన్‌ మర్కజ్‌లో జరిగిన తబ్లిగి జమాత్‌ అనంతరం దేశంలో కరోనా పాజిటివ్‌ కేసులు ఒక్కసారిగా పెరిగాయి. దీంతో దేశంలో అన్ని రాష్ట్రాలు తబ్లిగి జమాత్‌ సమావేశానికి హాజరైన వారిని గుర్తించి కరోనా నిర్ధారణ పరీక్షలు నిర్వహిస్తున్నాయి. అయితే వారిలో కొందరు బాధ్యతారహితంగా, అసహ్యకరంగా ప్రవర్తిస్తున్నారు. ఢిల్లీ ద్వారకాలోని ఢిల్లీ అర్బన్‌ షెల్టర్‌ ఇంప్రూవ్‌మెంట్‌ బోర్డ్‌లోని ప్లాట్‌లలో ఏర్పాటు చేసిన క్వారంటైన్‌ సెంటర్లలో ఉన్న కొందరు తబ్లిగి జామాత్‌ సభ్యులు వికృత చర్యకు పాల్పడ్డారు. బాటిల్స్‌లో మూత్రం నింపి వాటిని బయటకు విసిరివేశారు.

మాస్క్ ధరించకపోతే అరెస్ట్..

కరోనా మహమ్మారి విజృంభణతో వణుకుతున్న దేశ ఆర్థిక రాజధాని ముంబై నగరంలో కరోనా పాజిటివ్ కేసులు రోజురోజుకూ పెరుగుతుండటంతో మున్సిపల్ కార్పొరేషన్ కీలక నిర్ణయం తీసుకుంది. ఇకపై బహిరంగ ప్రదేశాల్లో విధిగా ప్రతి ఒక్కరూ మాస్క్‌ ధరించాలని ఆదేశాలు జారీ చేసింది. ఏ కారణంతో బయటకు వచ్చినా విధిగా మాస్క్‌ ధరించాలని, ఇంట్లో తయారుచేసుకున్న మాస్క్‌ను సైతం అనుమతిస్తామని పేర్కొంది. మాస్క్‌ ధరించని వారిని అరెస్ట్‌ చేసేందుకు వెనుకాడమని అధికారులు పేర్కొన్నారు. ముంబైలో కరోనా పాజిటివ్ కేసులు 782కి చేరుకోవడం గమనార్హం. మహారాష్ట్రలో కరోనా పాజిటివ్ కేసులు ఇప్పటికే వెయ్యి దాటాయి. దీంతో..

ఏపీలో కరోనా పాజిటివ్‌ కేసుల్లో యువతే అధికం

ఏపీలో కరోనా కేసులు రోజురోజుకూ పెరుగుతున్నాయి. రాష్ట్రంలో ఇప్పటి వరకు నమోదైన పాజిటివ్‌ కేసుల్లో అత్యధికం 40 ఏళ్లులోపు వారేనని రాష్ట్ర ప్రభుత్వం వెల్లడించింది. ముఖ్యంగా 21-40 మధ్య వయసున్న వారు 48 శాతం కావడం గమనార్హం. కాబట్టి అన్నివయసుల వారూ ఇళ్లలోనే ఉండాలని ప్రభుత్వం సూచిస్తోంది. కరోనా మ‌హ‌మ్మారిని త‌రిమికొట్టే ప్ర‌య‌త్నంలో కేంద్ర‌, రాష్ట్ర ప్ర‌భుత్వాలు యుద్ధ‌ప్రాతిప‌దికన చ‌ర్య‌లు చేప‌డుతున్నాయి.

రాష్ట్ర ఎన్నికల కమిషనర్ కు చంద్రబాబు లేఖ

టీడీపీ అధినేత చంద్రబాబు రాష్ట్ర ఎన్నికల కమీషన్ కు లేఖ రాశారు. ప్రభుత్వ సహాయం పంపిణీ పేరుతో వైసీపీ నేతలు ఓట్ల కొనుగోలుకు  పాల్పడుతున్నారని ఫిర్యాదు చేశారు. పేద ప్రజలకు ప్రభుత్వం అందిస్తున్న వెయ్యి రూపాయల నగదు, నిత్యావసరాలను స్థానిక సంస్థల ఎన్నికల్లో పోటీలో ఉన్న అభ్యర్ధులు పంపిణీ  చేస్తున్నారని కమీషనర్ దృష్టికి తీసుకొచ్చారు. దీనికి సంబంధించిన ఆధారాలను ఫిర్యాదుకు జత చేశారు. తక్షణమే ఎలక్షన్ కమీషన్ కలగజేసుకొని ప్రజాస్వామ్యాన్ని కాపాడాలని  చంద్రబాబు  కోరారు.

ఎస్ఈసీకి చంద్రబాబునాయుడు లేఖ..

రాష్ట్ర ఎన్నికల కమిషనర్ నిమ్మగడ్డ రమేష్‌కుమార్‌కు టీడీపీ అధినేత చంద్రబాబు లేఖ రాశారు. స్థానిక ఎన్నికల్లో ఓట్లు కొనుగోలుకు వైసీపీ నేతలు పాల్పడుతున్నారని ఆరోపిస్తూ  ఫిర్యాదు చేశారు. లాక్‌డౌన్ సమయంలో ప్రభుత్వం అందించాల్సిన వెయ్యి రూపాయల నగదు, నిత్యావసరాలను వాలంటీర్లతో పంపిణీ చేయించకుండా.. వైసీపీ అభ్యర్థులతో పంపిణీ చేయిస్తున్నారని ఎన్నికల అధికారి దృష్టికి చంద్రబాబు తీసుకెళ్లారు. ఇందుకు సంబంధించి 250 కి పైగా వీడియో, ఫొటోల ఆధారాలను ఆ లేఖకు జతచేసి చంద్రబాబు పంపారు.

ప్రజలపై పోలీసుల దాడులను ఖండిస్తూ హైకోర్టులో పిటిషన్

లాక్ డౌన్ నేపథ్యంలో ప్రజలపై పోలీసుల దాడులను ఖండిస్తూ హైకోర్టుకు న్యాయవాది ఉమేష్ చంద్ర లేఖ రాశారు. లేఖను సుమోటోగా స్వీకరించిన హైకోర్టు... వీడియో కాన్ఫరెన్స్ ద్వారా విచారణ జరిపింది. ఈ నెల ఒకటిన వనపర్తిలో బైక్ పై బయటకు వచ్చిన తండ్రి కొడుకుపై పోలీసులు దాడి చేసిన ఘటనను పిటిషనర్ హైకోర్టు దృష్టికి తీసుకువచ్చారు. దాడి చేసిన పోలీసులపై FIR నమోదు చేయాలని పిటిషనర్ పేర్కొన్నారు. అదే సమయంలో రాష్ట్ర వ్యాప్తంగా ప్రజలపై పోలీసులు లాఠీఛార్జ్ చేస్తున్నారని పిటిషనర్ తెలిపారు. పోలీసు దాడులను సోషల్ మీడియాలో తాము కూడా చూశామన్న హైకోర్టు...

మొద్దు నిద్ర నుండి వైఎస్‌ జగన్‌ బయటికి రావాలి : కేశినేని నాని

పారాసిటమల్, బ్లీచింగ్ అనే మొద్దు నిద్ర నుండి వైఎస్‌ జగన్‌ బయటికి రావాలని విజయవాడ ఎంపీ కేశినేని నాని అన్నారు. బుధవారం కోనేరు పెదబాబు ఆధ్వర్యంలో లక్ష కోడిగుడ్లు ఇంటి ఇంటికి పంపిణీ కార్యక్రమాన్ని ఎనికేపాడులో ఎంపీ కేశినేని నాని ప్రారంభించారు. ఈ సందర్బంగా కేశినేని నాని మాట్లాడుతూ.. కరోనా వైరస్‌ను నియంత్రించడంలో జగన్ ప్రభుత్వం పూర్తిగా విఫలమైందని ఆరోపించారు. పేద, మధ్య తరగతి వారిని తక్షణమే ఆదుకోవడానికి వారి బ్యాంక్ ఖాతాలలో 5000 రూపాయలను జమ చేయాలని నాని ప్రభుత్వాన్ని డిమాండ్ చేశారు. కేంద్ర ప్రభుత్వం ఇచ్చే 1000 రూపాయల సహాయాన్ని వైసీపీ సాయంగా ప్రచారం చేస్తున్నారని ఆరోపించారు.

లాక్‌డౌన్‌ పొడిగింపుపై పరిశీలిస్తున్నాం : కిషన్‌రెడ్డి

లాక్‌డౌన్‌ పొడిగింపు అంశంపై పరిశీలిస్తున్నామని కేంద్ర హోంశాఖ సహాయ మంత్రి కిషన్‌రెడ్డి తెలిపారు. దేశరాజధానిలో మీడియాతో మాట్లాడిన ఆయన.. రాష్ట్ర ప్రభుత్వాలు, నిపుణుల నుంచి సూచనలు వస్తున్నాయన్నారు. దీనిపై దేశంలో అన్ని జిల్లాల కలెక్టర్లతో మాట్లాడామని.. నేడు అన్ని జిల్లాల ఎస్పీలతో మాట్లాడి నివేదికను ప్రధానికి ఇస్తామని కిషన్ రెడ్డి వివరించారు. 

పరిశీలనలో లాక్ డౌన్ పొడిగింపు

దేశ వ్యాప్తంగా లాక్ డౌన్ పొడిగింపు అంశాన్ని పరిశీలిస్తున్నామని కేంద్ర హోంశాఖ సహాయ మంత్రి కిషన్ రెడ్డి తెలిపారు. ప్రస్తుత విపత్కర పరిస్థితిని ఎదుర్కొనేందుకు ప్రతిపక్షాల సూచనలు,సలహాలు స్వీకరిస్తామన్నారు. లాక్ డౌన్ ను పొడిగించాలని రాష్ట్రాలతో పాటు నిపుణుల నుంచి సూచనలు వస్తున్నాయని తెలిపారు. ప్రజలు ఎవరూ బయటకు రావద్దని... లాక్ డౌన్ కి సహకరించాలని విజ్ణప్తి చేశారు. విదేశాల నుండి వచ్చిన వారి నిర్బంధం కొనసాగుతుందని మంత్రి తెలిపారు. 

రాజకీయాలు చేయడానికి ఇంత కంటే అనువైన సమయం దొరకలేదా..?

లాక్‌డౌన్‌ వేళ ఆపదలో ఉన్న పేదలకు నిత్యావరసరాలు, అన్నదానాలు చేస్తున్నవారందరికి వైఎస్సార్‌సీపీ ఎంపీ విజయసాయిరెడ్డి ట్వీటర్‌ వేదికగా ధన్యవాదాలు తెలిపారు. అదే సమయంలో బీజేపీ ఏపీ అధ్యక్షుడు కన్నా లక్ష్మీ నారాయణ, సీపీఐ నేత రామకృష్ణపై వైసీపీ ఎంపీ విజయసాయిరెడ్డి తీవ్ర విమర్శలు గుప్పించారు. 

‘ఇళ్ల నుంచి బయటకు వెళ్లలేక ఉపాధి కోల్పోయిన పేదలకు ప్రభుత్వం వెయ్యి ఎలా పంపిణీ చేస్తుందని కన్నా, సిపిఐ రామకృష్ణలు రాష్ట్ర ఎన్నికల కమిషనర్ కు ఫిర్యాదు చేసారు. వీళ్ల యజమానేమో ఐదు వేలివ్వమని రంకెలేస్తుంటాడు. రాజకీయాలు చేయడానికి ఇంత కంటే అనువైన సమయం దొరకలేదా మీకు?’ అని విజయసాయిరెడ్డి ట్వీట్‌ చేశారు.