వివాదాలు లేని భూములివ్వండి : పవన్ కళ్యాణ్

Submitted by editor on Wed, 02/26/2020 - 11:41

ఇళ్ల పట్టాలకు సంబంధించిన స్థలాల విషయంలో వివాదాలు లేకుండా చూడాలని జనసేన అధినేత పవన్‌ కళ్యాణ్ డిమాండ్‌ చేశారు. ఇళ్ల స్థలాల కేటాయింపులపై జరుగుతున్న ఆందోళనలపై పవన్ కళ్యాణ్ స్పందిస్తూ.. రాజధానికి సమీకరించిన భూములను ఇళ్ల స్థలాలకు ఇవ్వడం సరికాదని ఆయన అభిప్రాయపడ్డారు. ఈ విషయంలో ప్రభుత్వం జారీ చేసిన ఉత్తర్వులు వివాదానికి దారితీస్తున్నాయన్నారు. ఇల్లు లేని పేదలకు స్థలం కేటాయించడాన్ని ఎవరూ తప్పుపట్టరని.. ప్రభుత్వానికి చిత్తశుద్ధి ఉంటే ఎలాంటి వివాదాలు లేని భూములనే వారికి ఇవ్వాలని పవన్‌ డిమాండ్‌ చేశారు.

సరిహద్దులు దాటి వెళ్లేందుకు కూడా వెనుకాడం : రాజ్‌‌నాథ్ సింగ్

Submitted by editor on Wed, 02/26/2020 - 10:50

ఉగ్రవాదం నుంచి దేశానికి కాపాడుకునేందుకు అవసరమైతే సరిహద్దులు దాటి వెళ్లేందుకు కూడా వెనుకాడబోమని కేంద్ర రక్షణ మంత్రి రాజ్‌‌నాథ్ సింగ్ పేర్కొన్నారు. పాకిస్తాన్ లోని బాలాకోట్ ప్రాంతంలో ఉన్న ఉగ్రవాద శిబిరాలపై ఇండియన్ ఎయిర్ ఫోర్స్ మెరుపు దాడులు నిర్వహించి నేటికి(ఫిబ్రవరి-26,2020) ఏడాది పూర్తైన సందర్భంగా ఇవాళ ఆయన ట్విటర్  వేదికగా స్పందించారు. 

ఆంధ్రప్రదేశ్ ప్రజలు చైతన్యవంతులు : బొత్స

Submitted by editor on Wed, 02/26/2020 - 10:10

ఆంధ్రప్రదేశ్ ప్రజలు చైతన్యవంతులు కాబట్టే టీడీపీని పక్కనబెట్టారని మంత్రి బొత్స సత్యనారాయణ తెలిపారు. విశాఖలో నిర్వహించిన మీడియా సమావేశంలో ఆయన మాట్లాడుతూ.. భూ సేకరణ, భూ సమీకరణ పేదల కోసం మాత్రమేనని.. టీడీపీలా దోచుకోడానికి కాదని మంత్రి బొత్స స్పష్టం చేశారు. అధికార పార్టీ సంగతి తేలుస్తానని చంద్రబాబు ప్రగల్భాలు పేలుతున్నారని విమర్శించారు. మీరు, మీ కొడుకు ఎలా దోచుకుతిన్నారో విశాఖ ప్రజలకు తెలుసు అని పేర్కొన్నారు. అధికారంలో ఉన్నప్పుడు మరచిపోయి.. ఇప్పుడు విశాఖ అంటూ ప్రజా చైతన్య యాత్ర చేస్తున్నారని తనదైనశైలిలో బొత్స విమర్శించారు. మీ ప్రజా చైతన్య యాత్ర తర్వాత ఉన్నపార్టీ కాస్త ఊడుతుందన్నారు. 

ఢిల్లీ అల్లర్లపై స్పందించిన మోడీ..

Submitted by editor on Wed, 02/26/2020 - 09:28

దేశ రాజధానిని ఢిల్లీని అట్టుడికిస్తోన్న అల్లర్లపై ప్రధానమంత్రి నరేంద్ర మోడీ ట్విట్టర్ వేదికగా స్పందించారు. సాధారణ పరిస్థితులు నెలకొనేందుకు ప్రతి ఒక్కరూ కృషి చేయాలని ఈ సందర్బంగా మోడీ కోరారు. ఢిల్లి ప్రజలంతా ప్రశాంతంగా ఉండాలని.. అన్ని సమయాల్లోనూ శాంతి సామరస్యాలతో, సోదరభావంతో మెలగాలని కోరారు. 

ఢిల్లీలోని వివిధ ప్రాంతాల్లో నెలకొన్న పరిస్థితులపై విస్తృతమైన సమీక్ష నిర్వహించానని మోదీ తెలిపారు. ఢిల్లీలో సాధారణ పరిస్థితులు తీసుకురావడానికి పోలీసులు, ఇతర ఏజెన్సీలు పనిచేస్తున్నాయని అన్నారు. 

అమిత్ షా రాజీనామా చేయాలి : సోనియా గాంధీ

Submitted by editor on Wed, 02/26/2020 - 09:07

సీఏఏ వ్యతిరేక, అనుకూల వర్గాల ఆందోళనలు, ఘర్షణలను కాంగ్రెస్‌ పార్టీ తాత్కాలిక అధ్యక్షురాలు సోనియాగాంధీ ఖండించారు. మూడు రోజుల ఆందోళనల్లో 20 మంది చనిపోయారని ఆమె ఆవేదన వ్యక్తంచేశారు. నేడు ఆమె మీడియా సమావేశంలో మాట్లాడుతూ.. ఢిల్లీలో అల్లర్లకు బీజేపీనే కారణమని విమర్శించారు. ముందస్తు ప్రణాళికతోనే అల్లర్లు సృష్టించారని.. బీజేపీ నేత కపిల్ మిశ్రా ప్రసంగం రెచ్చగొట్టే విధంగా ఉందని ధ్వజమెత్తారు. ఢిల్లీలోని పరిస్థితులకు కేంద్ర ప్రభుత్వం, కేంద్ర హోం శాఖ మంత్రి బాధ్యత వహించాలని.. హోం మంత్రి అమిత్ షా రాజీనామా చేయాలని సోనియా డిమాండ్ చేశారు.  
 

జీవీఎల్ వ్యాఖ్యలను ఖండిస్తున్నాం : కేశినేని నాని

Submitted by editor on Wed, 02/26/2020 - 08:46

అమరావతినే రాష్ట్ర రాజధానిగా కొనసాగించాలని టీడీపీ ఎంపీ కేశినేని నాని అన్నారు. అమరావతి పరిరక్షణ సమితి కార్యాలయాన్ని విజయవాడలోని ఆటోనగర్‌లో ఏర్పాటు చేశారు. ఈ సందర్బంగా కేశినేని నాని మాట్లాడుతూ.. రాజధాని విషయంలో రాష్ట్ర ప్రభుత్వం నిమ్మకు నీరెత్తినట్లు వ్యవహరిస్తోందని మండిపడ్డారు. అమరావతి ఉద్యమాన్ని అణచివేసేందుకు యత్నిస్తున్నారని, కేసుల పేరుతో వేధిస్తున్నారని అన్నారు. ఇంతటి దుర్మార్గపు పాలనను ఎన్నడూ చూడలేదని, రాష్ట్రంలో ప్రజాస్వామ్యం లేదని ఆరోపించారు.

'మహానటి' డైరెక్టర్ తో ప్రభాస్ మూవీ..!

Submitted by editor on Wed, 02/26/2020 - 07:58

గత 49 ఏళ్లుగా తెలుగు ఇండస్ట్రీలో టాప్ ప్రొడక్షన్ హౌస్ లలో ఒకటిగా నిలుస్తూ వచ్చిన వైజయంతి మూవీస్ 50వ సంవత్సరంలోకి అడుగుపెడుతున్న సందర్బంగా బిగ్ అనౌన్స్‌మెంట్ ఇచ్చింది. త్వరలో నాగ్ అశ్విన్‌తో క‌లిసి ప్ర‌భాస్ ప‌ని చేయ‌నున్న‌ట్టు అధికారికంగా ప్ర‌క‌ట‌న చేసింది. ఎవడె సుబ్రహ్మణ్యం, మహానటి సినిమాలతో విభిన్నంగా ఆలోచించే దర్శకుడిగా పేరు సంపాదించుకున్న నాగ్ అశ్విన్, ప్రభాస్ తో సినిమా చేస్తుండడం హాట్ టాపిక్ గా మారింది. కాగా ఈ ప్రాజెక్ట్ కి సంబందించిన పూర్తి వివరాలు త్వరలో వెల్లడించనున్నారు. 

జగన్‌ను చూసి అవినీతే తలదించుకుంటుంది : బుద్ధా

Submitted by editor on Wed, 02/26/2020 - 07:34

ఏపీ సీఎం వైఎస్ జగన్‌పై టీడీపీ నేత బుద్ధా వెంకన్న ట్విట్టర్ వేదికగా తీవ్ర ఆరోపణలు చేసారు. 'వైఎస్ జగన్‌ను చూసి అవినీతే తలదించుకుంటుంది. రివర్స్ టెండరింగ్ ద్వారా ప్రజలకు టెండర్ పెట్టారు. సూట్ కేస్ కంపెనీలకు పనులు అప్పజెప్పి 9 నెలల్లోనే 20 వేల కోట్లు కొట్టేసే స్కెచ్ వేశారు. రివర్స్ టెండరింగ్ వెనుక ఉన్న లాజిక్ ప్రజలకు అర్థం అయ్యింది' అని బుద్ధా ఆరోపించారు.
 
'ముఖ్యమంత్రి కొడుకుగానే 43 వేల కోట్లు కొట్టేసిన జగన్ గారు ఇప్పుడు సీఎంగా దానికి పదింతలు సంపద వెనకెయ్యడానికి పెట్టిన పేరే రివర్స్ టెండరింగ్' అంటూ వరుస ట్వీట్లు చేసారు. 

బీజేడీ అధ్యక్షుడిగా ఎనిమిదోసారి ఎన్నికైన నవీన్ పట్నాయక్..

Submitted by editor on Wed, 02/26/2020 - 07:23

ఒడిశా ముఖ్యమంత్రి నవీన్ పట్నాయక్ మరోసారి బీజూ జనతాదళ్ (బీజేడీ) అధ్యక్షుడిగా ఎనిమిదోసారి బుధవారం ఎన్నికయ్యారు. పార్టీ అధ్యక్ష ఎన్నికకు పట్నాయక్ మాత్రమే నామినేషన్ పత్రాలు దాఖలు చేశారు. గ్రామ పంచాయతీ కమిటీ సభ్యుల నుంచి రాష్ట్రస్థాయి అధ్యక్షుల వరకు బీజేడీ సంస్థాగత ఎన్నికలు మొత్తం ఐదు దశల్లో జరుగుతున్నాయి. ఫిబ్రవరి 21వ తేదీన పార్టీ 33 జిల్లాల అధ్యక్షులను ప్రకటించింది. వీరిలో 14 మంది పాతవారే తిరిగి జిల్లా అధ్యక్షులుగా ఎన్నికవ్వగా.. కొత్తగా 19 మంది జిల్లా నూతన అధ్యక్షులుగా ఎన్నికయ్యారు.
 

రాజస్థాన్‌లో ఘోర రోడ్డు ప్రమాదం : 24మంది మృతి

Submitted by editor on Wed, 02/26/2020 - 07:03

ఓ బస్సు నదిలో పడి.. 24మంది మృతి చెందిన ఘటన రాజస్థాన్‌లో చోటు చేసుకుంది. వివరాల్లోకి వెళ్తే.. బుండి కోట లాల్‌సోట్‌ వద్ద జాతీయ రహదారిపై వెళ్తున్న బస్సు అదుపుతప్పి బ్రిడ్జిపై నుంచి నదిలోకి పడిపోయింది. ఈ ప్రమాదంలో 24 మంది ప్రయాణికులు మృతి చెందినట్లు అధికారులు నిర్ధారించారు. అతివేగంగా వస్తున్న బస్సు వంతెన వద్ద అదుపుతప్పింది. డ్రైవర్‌ ప్రమాదాన్ని గ్రహించేలోపే నదిలోకి దూసుకుపోవడంతో ఘోర దుర్ఘటన చోటు చేసుకుంది. ప్రమాదస్థలికి చేరుకున్న పోలీసులు సహాయక చర్యలు చేపట్టారు.