భారత్-చైనా సరిహద్దు ఘర్షణ... మరో జవాన్ వీరమరణం 

indian soldier died

ఈ నెల 15 న భారత్-చైనా సరిహద్దులో లడక్ ప్రాంతంలోని గాల్వన్ లోయలో జరిగిన ఘర్షణలో కల్నల్ సహా 20 మంది భారత జవాన్లు మరణించిన సంగతి తెలిసిందే. కాగా తాజాగా మరో భారత జవాన్ మరణించినట్లు ఆర్మీ అధికారులు తెలిపారు. గల్వాన్ లోయలో భారత-చైనా సరిహద్దు వెంబడి నదిలో పడిపోయిన తన సహచరులను రక్షించే ప్రయత్నంలో మహారాష్ట్ర నాసిక్ జిల్లాకు చెందిన భారత ఆర్మీ జవాన్ తీవ్ర గాయాలపాలు అయ్యాడని తెలిపారు. ఆస్పత్రిలో చికిత్స పొందుతున్న సచిన్ మోరే ఈ రోజు చనిపోయినట్లు అధికారులు తెలిపారు. దీంతో గాల్వన్ లోయలో ఘర్షణలో మరణించిన సైనికుల సంఖ్య 21 కి చేరుకున్నాయి.