దేశవ్యాప్తంగా 24 గంటల్లో 17,296 కొత్త కేసులు... 407 మరణాలు

coronavirus

దేశంలో కరోనా మహమ్మారి విజ్రంభన కొనసాగుతూనే వుంది. రోజురోజుకి కరోనా కేసులు అధిక సంఖ్యలో నమోదవుతున్నాయి. గడిచిన 24 గంటల్లో దేశంలో 17,296 కరోనా పాజిటివ్ కేసులు నమోదు అయ్యాయి. 407 మంది కరోనాతో మృతిచెందారు. దీంతో దేశంలోని మొత్తం కరోనా పాజిటివ్ కేసుల సంఖ్య 4,90,401 కి చేరుకున్నాయి. అయితే వీరిలో 1,89,463 మంది కరోనాతో ఆస్పత్రిలో చికిత్స పొందుతుండగా, 2,85,637 మంది కరోనా నుండి కోలుకుని సంపూర్ణ ఆరోగ్యంతో ఆస్పత్రి నుండి డిశ్చార్జ్ అయ్యారు. 
అయితే ఇప్పటివరకు దేశవ్యాప్తంగా 77.76 లక్షల కరోనా టెస్టులు చేసినట్లు ఐసిఎంఆర్ తెలిపింది. నిన్న ఒక్కరోజే 2.15 లక్షల కరోనా టెస్టులు చేసినట్లు వెల్లడించింది.